BIOGRAFIA

Kantautori shqiptar që jeton dhe vepron në Los Anxheles, Skender Beck, është një artist i rock-ut i lindur në Kosovë. Albumi i tij i parë ‘STARS ALIGNED’ është i disponueshëm tani në iTunes, Spotify, Amazon Music dhe platforma të tjera dixhitale të muzikës.

Skenderi është këngëtar, kitarist dhe aktor me përvojë. Megjithëse aktualisht banon në Los Anxheles, dashuria e Skenderit për muzikën u rrit gjatë fëmijërisë së tij në Kosovë. Si fëmijë i ri, ai zhvilloi një pasion për të kënduar, si dhe për aktrim, dhe interpretoi në shumë ngjarje muzikorë në gjithë vendin. Ai përfundimisht filloi të merrte role në televizionin kosovar dhe interpretoi si aktor në shumë shfaqje teatrale si fëmijë. Gjatë adoleshencës së tij, trazirat shoqërore u përkeqësuan në Kosovë dhe ai e përballoi këtë duke dëgjuar artistë klasikë të rokut si Pink Floyd, The Talking Heads dhe The Doors. Më vonë, Skenderi filloi të luante muzikë dhe të performonte me grupe - një hobi që qëndroi me të gjatë gjithë jetës së tij. Si i ri, Skenderi studioi aktrimin në Kosovë ku mori një Diplomë Bachelor, si dhe dy çmime në Teatrit Kombëtar për aktrimin e tij. Në vitin 1997, Skenderi migroi në New York City për të vazhduar shkollimin në Institutin e Teatrit "Lee Strasberg". Që nga viti 1997 ai jeton në Los Anxheles.

Këngët të inçizuara janë kulm i historisë së Skenderit dhe rrethanave aktuale, dhe pas viteve këto këngë që vërtiteshin në mendjen e tij, Skenderi më në fund vendosi t'i sjellë ato në jetë. Ai shkruajti tekstet, këndoi dhe bëri aranzhimin vetë, megjithëse ai bashkëpunoi me studio muzikantë profesionistë për ta ndihmuar atë të përsoste kitarën, basin, daullet dhe tastierat / sintisajzerët, për të inçizuar. Për disa këngë në album, Skenderi punoi me inxhinierin të nominuar nga Grammy, Marc DeSisto, vepra dhe puna e të i cilit është vlerësuar shumë lartë me gjigantët klasikë të rokut si, Pink Floyd dhe U2. Përvojat e jetës, puna e madhe dhe përkushtimi i Skenderit janë faktorët kryesorë që sollën këtë album.

Skenderi është fitues i dyfishtë i çmimit Aleksandër Mojsiu, në vitin 1994 dhe 1995. Skender Miftari u paraqit për herë të parë në skenë kur ishte 9 vjeç me shfaqjen "Kekeci dhe Mojca" në regji të Kristë Berishës në rolin e Kekecit. Ai gjithashtu u paraqit para publikut edhe me shfaqjet teatrale: "Nuk Jemi Hajna", "Ujku i Akuzuar" si dhe në filmin "Çelësi Magjik" të gjitha këto të filmuara edhe të realizuara nga ish Radio Televizioni i Kosovës.

Më 1996 ai diplomoi në Fakultetin e Arteve dega e Aktrimit, në klasën e profesorit Faruk Begolli. Gjatë studimeve ai aktroj në teatrin Dodona si dhe teatrot tjera mbarë shqiptare shfaqjet e si "Dante 9", "Moti Pa Ton", "Këngëtarja Tullace", "Shtatë Ngjyra...Lamtumirë!", "Profesor Jam Talent Se Jo Mahi", "Duke e Pritur Godonë", "Ambrozio Shfaros Kohën" etj..